1. ’Tọ Jehovah, Jẹwhe huhlọnnọ,

Hiẹ yiwanna dodowiwa.

Ylanwiwa sù t’aigba ji,

Mí yọnẹn dọ e nọ vẹna we.

Hiẹ ma dọngbàn, le mẹlẹ lẹn do;

Jlẹ t’we sẹpọ nado de ylan sẹ̀.

Mí deji bo to tepọn we,

Mí dopẹ́ dọ a nọ fahomẹ.

2. Owhe fọtọ́n, to nukun t’we mẹ,

Nọ juyi di azán dopo.

Azán daho t’we ko sẹpọ;

E ma nasọ dọngbàn do wá.

Le hiẹ tlẹ gbẹwanna oylan sọ,

A nọ jaya yin mí lẹnvọjọ.

Mí pọ́n nukọn po todo po,

Bo pà ’yín t’we po pẹdido po.