Kanta 35
Pisasalamat ed Anos na Dios
1. Jehova’n Dios, sankabiskegan,
Maaro ka ed kaptekan.
Mandenden so karelmengan,
Amta min kagulam itan.
Aliwa kan Dios a matantan;
Maganom lan pa’ndiey kaugsan.
Ilalo mi walad sika,
Salamat ta maan-anos ka.
2. Sanlibo a taon ondalan,
Sansanagew diad panmoriam.
Say agew mo asingger la;
Onsabin agnaabala.
Anggan panermenan moy lingo,
Magbabawi, panliketan mo.
Maligligsan mantalaran
Tan sika so pisalamatan.
(Nengnengen met so Luc. 15:7; 2 Ped. 3:8, 9.)