Awit 38
Itugyan Kang Jehova ang Imong Problema
(Salmo 55)
1. Pamatia ko, Jehova,
Kanimo paduola.
Ang pag-ampo ko tubaga
Aron di ko maluya.
(KORO)
Itugyan mo kang Jehova
Ang tanan mong problema.
Di gyod ka pasagdan niya,
Lig-onon hinuon ka.
2. Kon duna pa lang koy pako,
Molupad ko sa layo.
Luwas gikan sa daotan
Ug sa daogdaogan.
(KORO)
Itugyan mo kang Jehova
Ang tanan mong problema.
Di gyod ka pasagdan niya,
Lig-onon hinuon ka.
3. Sangpiton ko si Jehova,
Mangayo kog proteksiyon.
Mohatag siyag kalig-on
Sa tanan nga lutoson.
(KORO)
Itugyan mo kang Jehova
Ang tanan mong problema.
Di gyod ka pasagdan niya,
Lig-onon hinuon ka.
(Tan-awa usab ang Sal. 22:5; 31:1-24.)