Pese 42
“Fesoasoani i Ē ua Vaivai”
1. Tatou uma e vaivai,
Leai sē sao ai.
Ae o Ieova le Atua
E alofa fua.
O ia e matuā
Tele le alofa.
Ia tatou alolofa
I ē mafatia.
2. O Paulo na alofa
I ē sa vaivai.
Toto o Keriso ua
Tatou ola ai.
E faamalosia
E Ieova ē vaivai.
Tau ia tatou lagona
Ō latou tigā.
3. Aua le faileaga
O ē ua vaivai;
Upu faalaeiau
E mālōlō ai.
Ia tatou filigā
E lagolagosua;
Ona latou maua lea
O manuia.
(Tagaʻi foʻi i le 2 Kori. 11:29; Isa. 35:3, 4; Kala. 6:2.)