Abụ nke 39
Udo Anyị Nwere
1. Too Jehova, Chi udo
Na ịdị n’otu.
Ọ g’eme k’agha kwụsị,
Wet’ịdị n’otu.
Nwa ya, Kraịst, bụ Ony’isi Udo,
Dị nwayọọ n’obi.
Mgb’ọ g’emeri n’agha,
A’yị g’enw’ezi udo.
2. Anyị akwụsịl’okwu ọjọọ,
Kwụsị esemokwu,
Kpụgharị’ube na mm’agha,
Iji nwee udo.
A’yị chọọ inwe’udo ahụ,
K’anyị gbaghara.
Eb’anyị bụ atụrụ Kraịst,
K’anyị mụt’udo.
3. K’anyị niile nwee udo,
Bụ́ ezi mkpụrụ,
N’amamihe si n’elu,
N’esi n’ekpere.
A’yị g’abụ ihe nler’anya,
Gosi udo anyị
Ruo mgbe Al’eze g’eweta
Udo n’ebe dum.
(Gụọkwa Ọma 46:9; Aịza. 2:4; Jems 3:17, 18.)