1. Drottni friðar fylgjum við,

fögnum einingu.

Styrjaldanna kæfir klið,

kennir hamingju.

Friðarkóngur Kristur er,

knúinn sannleiksást.

Hann með fullan sigur fer,

friður mun þá nást.

2. Reiði höfum aflagt, eytt,

elda deilna kæft.

Höfum vopnum, verjum breytt,

vondan þanka svæft.

Ef Guðs viljum fanga frið,

fyrirgefum greitt.

Friðsöm í hans fylkjumst lið,

feng þann elskum heitt.

3. Ávöxtur Guðs anda er,

eflum frið því væn.

Drottins visku vitni ber,

veitist fyrir bæn.

Við með breytni veitum svör,

verjum friðarbraut.

Þar til ríkið ræður för,

ryður burtu þraut.