Ururirimbo 43
Tube maso, dushikame, dukomere
1. Tube maso dushikame,
Tugir’ukwihangana.
Turinduke nk’abagabo,
Intsinz’izokwizana.
Kristu turamwumvira neza,
Tukaj’aho atwerekeza.
(ICITABIRIZO)
Nitube maso dushikame
Tugume twikomeza.
2. Tube maso no mu bwenge;
Kristu tumworohere,
Na wa mushumba yagena,
Be n’abakurambere.
Impanuro baduhereza
Tuzumvire bigende neza.
(ICITABIRIZO)
Nitube maso dushikame
Tugume twikomeza.
3. Tube maso twunz’ubumwe
Twame tuburanira
Ya nkuru nziza twashinzwe,
Naho batoyakira.
Twigishe tudahorereza
Uko wa musi wegereza.
(ICITABIRIZO)
Nitube maso dushikame
Tugume twikomeza.
(Raba kandi Mat. 24:13; Heb. 13:7, 17; 1 Pet. 5:8.)
