Kʼaay 45
Koʼoneʼex maas meyajtik Jéeoba
1. Koʼoneʼex tsʼáaik táanil k-maas meyajtik Jéeoba,
tumen jach uts tu tʼaan ka k-maas áant tuláakal máak.
Ilawil xan a kaʼansaj tubeel mantatsʼ,
yaan u yáantikech Jéeoba.
Koʼoneʼex kʼaʼaytaj yéetel chúukaʼan óol,
Jesuseʼ jach bey tu beetiloʼ.
Natsʼaba tiʼ Dios utiaʼal u yáantikech,
mantatsʼ beet baʼax jach tubeel.
2. Koʼoneʼex tsʼáaik táanil k-jóokʼol teʼ kʼaʼaytajoʼ,
tiʼ tuláakal unaj k-tsʼáaik le maʼalob péektsiloʼ.
Koʼoneʼex kʼaʼaytik mantatsʼ u nojbeʼenil Dios
tiʼ le máaxoʼob utstakoʼ.
Maʼ unaj k-pʼatik le kʼaʼaytajoʼ
kex yaʼab máakoʼob jach táaj u pʼekmoʼon.
Kiʼimak k-óol tumen naatsʼ yaan u Reino Dios,
jach tsʼáa wóol teʼ kʼaʼaytajoʼ.
3. Koʼoneʼex tsʼáaik táanil k-áantik tuláakal máak,
kʼaʼanaʼan k-kʼaʼaytaj mantatsʼ tumen jach yaʼab meyaj yaan.
Chaʼa u yáantkech u kiliʼich muukʼ Jéeoba Dios,
yaan u tsʼáaiktech kiʼimak óol.
Eʼes tiʼe máakoʼob a yaabilajoʼ,
il a wáantkoʼob tu jaajil a wóol.
Wa k-tsʼáaik k-óol utiaʼal k-áantik le máakoʼoboʼ
yaan u nojbeʼenkúunskoʼob Dios.
(Ilaʼak xan Fili. 1:27; 3:16; Heb. 10:39.)