Wienyi Ne Ɛlɛyɛ Kpole
1. Ngapezoma ne kpondɛle Kelaes’,
Abɔdeɛ muala anyelazo.
Sunsum ne hanle kɛ Mɛzaya bara,
Ɔbamaa yɛanyia dahuu ngoane.
Mekɛ ɛdwu, Mɛzaya ne di tumi.
Yɛlɛ nwolɛ daselɛ dɔɔnwo.
Yɛ nye die kpole kɛ yɛnwu ɛhye mɔ,
Yɛ nee anwumabɔvolɛma.
(NLIEZO)
Ɛnɛ yɛ adenle zo ta wienyi.
Yɛwɔ alehyenlɛ wienyi nu.
Nea mɔɔ Nyamenle ɛlɛyɛ la,
Ɔkile yɛ adenle ne.
2. Awulae ɛkpa akɛlɛ nɔhavo
Mɔɔ maa yɛ aleɛ mekɛ nloa.
Nɔhalɛ ne anwo wienyi ne kɔ zo ta.
Menli dɔɔnwo anye die nwolɛ.
Yɛ adenle zo ta wienyi, yɛgyi kpundii.
Yɛde ninyɛne bo kpalɛ.
Gyihova ɛmaa yɛnwu nɔhalɛ ne.
Yɛbahanvo ye yɛazonle ye.
(NLIEZO)
Ɛnɛ yɛ adenle zo ta wienyi.
Yɛwɔ alehyenlɛ wienyi nu.
Nea mɔɔ Nyamenle ɛlɛyɛ la,
Ɔkile yɛ adenle ne.
(Eza nea Wulo. 8:22; 1 Kɔl. 2:10; 1 Pita 1:12.)
