Kanta 65
“Saya so Dalan”
1. Akabatan mo lay
Dalan na kare’nan.
Sayan dalan so
Niletneg la nensaman.
Bangat ’ya nen Kristo,
Boses toy nadngelan;
Dala’y kareenan,
Diad Biblia na’ralan.
(KORO)
Sayay Dalan ya ompugta’d bilay.
Ag-onsuawi tan ag-onlilingay!
Bilin na Dios: ‘Saya so Dalan;
Mansiansia dia, ta Saya so Dalan.’
2. Mansiansia ti’d saya,
Dalan ’ya na aro.
Dios so angibangat,
Inwanwan to tayo.
Aro to et sigpot,
Masimoon, matua.
Dalan ’ya na aro;
Kalaktip toy gawa.
(KORO)
Sayay Dalan ya ompugta’d bilay.
Ag-onsuawi tan ag-onlilingay!
Bilin na Dios: ‘Saya so Dalan;
Mansiansia dia, ta Saya so Dalan.’
3. Dalan ’ya na bilay,
Dia so pankurangan.
Oniay sipan na Dios:
Sayay sanka’bigan,
Ompugta’d aroan,
Tan ed kareenan.
Dalan parad bilay,
Dios pisalamatan.
(KORO)
Sayay Dalan ya ompugta’d bilay.
Ag-onsuawi tan ag-onlilingay!
Bilin na Dios: ‘Saya so Dalan;
Mansiansia dia, ta Saya so Dalan.’
(Nengnengen met so Sal. 32:8; 139:24; Uli. 6:23.)
