1. Sigpot lan amta so katuaay Panarian.

Bini ya insipan amta ti’ la natan.

Lapud maaro’d totoo si Jehova,

Nanggaway paraan pian nisalba ira.

Inyuksoy toy panuley nen Jesu-Kristo,

Ya onggapo ed panaon ya inletneg to.

Pian say Anak toy naikdan to na nobya,

Espiritual ya Israel so nigloria.

2. Nipasakbay la ’yan maong a balita.

Labay na Dios a natan nipakabat ’ya.

Kaiba ti’ ray anghel to a mibibiang,

Pian ontulong ed kipulong na Panarian.

Pribilehyo tayo ed sarayan agew

So pamasanto ed ngaran to pian nidayew.

Kagalangan ti’ magmaliw a Tasi to

Tekep na balitan ipupulong tayo.