1. Mix baʼal ojéelaʼan kaʼach yoʼolal u Reino Dios.

Baʼaleʼ bejlaʼeʼ k-ojel tumen Dios kaʼans tiʼ toʼon.

Tu chʼaʼajtoʼon óotsilil yoʼolal u yaabilaj

ka túun tu tsʼáaj u páajtalil k-kuxtal mantatsʼ.

Tu chʼaʼtuklaj u beetik reyil xan u Paal

yéetel tu tsʼáaj u kʼiinil utiaʼal u chíikpajal.

Tu yéeyaj xan utiaʼal u Paal juntúul atan,

letiʼ kun áantik tiaʼal u nuʼuktik yóokʼol kaab.

2. Le maʼalob péektsil k-kʼaʼaytik toʼon teʼ kʼiinoʼobaʼ

u yaʼalmaj Dios ka tsikbaltaʼak desde úuchjeak.

Le angeloʼoboʼ kiáantajoʼob teʼ kʼaʼaytajoʼ,

lelaʼ ku beetkoʼob yéetel yaʼabach kiʼimak óol.

Toʼoneʼ k-kʼáat nojbeʼenkúuns u kʼaabaʼ Dios mantatsʼ,

tumen naʼan uláakʼ baʼal jeʼex le jatsʼuts meyajaʼ.

Jach yéetel kiʼimak óol k-nojbeʼenkúunsik Jéeoba,

le oʼolal koʼoneʼex kʼaʼaytik tiʼ tuláakal máak.