Hira 115
Hahomby Tokoa Izay Ataonao
1. Ny Tenin’Andriamanitra,
Isan’andro diniho.
Vakio amin’ny feo mora,
Ka saintsaino izy io.
Araho ny tari-dalany,
Fa tena mahasoa.
(AVERINA ISAN’ANDININY)
Koa vakio sy saintsaino re,
Aok’ianao hankatò,
Fa izay ataonao anie
Dia hahomby avokoa.
2. Ny mpanjakan’Israely
Dia nodidiana hoe:
‘Adikao ny Lalàna fa
Tena zava-dehibe.
Isan’andro, vakio izy io,
Ekeo amin’ny fo.’
(AVERINA ISAN’ANDININY)
Koa vakio sy saintsaino re,
Aok’ianao hankatò,
Fa izay ataonao anie
Dia hahomby avokoa.
3. ’Zay mamaky isan’andro ny
Tenin’i Jehovah
Handray fampaherezana,
Hitombo finoana,
Ka ho hita fa matotra
Sady hendry tokoa.
(AVERINA ISAN’ANDININY)
Koa vakio sy saintsaino re,
Aok’ianao hankatò,
Fa izay ataonao anie
Dia hahomby avokoa.
(Jereo koa ny Deot. 17:18; 1 Mpanj. 2:3, 4; Sal. 119:1; Jer. 7:23.)
