Yɛ Ɛbɛlabɔlɛ Bawie Yɛ Boɛ
1. Yɛ nye die wɔ Edwɛkɛ nwo.
Yɛkenga ye dahuu
Na yɛdwenledwenle nwolɛ.
Yɛyɛ mɔɔ ɔka la
Na yɛmaa ɔka yɛ nyɛleɛ
Nee yɛ ɛdendɛlɛ.
(NLIEZO)
Kenga, dwenle nwo na di zo.
Ɛbanyia nyilalɛ.
Ɛ nee Gyihova ɛlua
Na ɔbawie wɔ boɛ.
2. Ɛlile mɛla ɛmanle
Yizilayɛma kɛ:
‘Ɔwɔ kɛ Belemgbunli ne
Kɛlɛ wɔ Mɛla ne.
Ɔkenga ye mekɛ biala
Na yeanyɛ ɛtane.’
(NLIEZO)
Kenga, dwenle nwo na di zo.
Ɛbanyia nyilalɛ.
Ɛ nee Gyihova ɛlua
Na ɔbawie wɔ boɛ.
3. Yɛkenga Baebolo ne a,
Ɔkyekye yɛ rɛle.
Ɔmaa yɛnyia anyelazo,
Diedi, anzondwolɛ.
Yɛdi ye Edwɛkɛ zo a,
Yɛnyi wɔ sunsum nu.
(NLIEZO)
Kenga, dwenle nwo na di zo.
Ɛbanyia nyilalɛ.
Ɛ nee Gyihova ɛlua
Na ɔbawie wɔ boɛ.
(Eza nea Mɛla 17:18; 1 Arl. 2:3, 4; Edw. 119:1; Gyɛ. 7:23.)
