Kanta 115
No Panon ya Ontalona ed Bilay
1. Say Salita nen Jehova,
Lawas panliketan.
Basaen ti’n kada agew;
Lawas dalepdepen.
Diad salita man o gawa,
Satan so ’yaplika.
(KORO)
Basaen tan dalepdepen,
Tulokey Jehova,
Pian bendisyon toy awaten,
Tan tuan ontalona.
2. Kada ari ed Israel,
Binilin nensaman
A nepeg to ya isulat
So inter a Ganggan.
Basaen ton legay bilay
Pian ag-onkasipa.
(KORO)
Basaen tan dalepdepen,
Tulokey Jehova,
Pian bendisyon toy awaten,
Tan tuan ontalona.
3. Diad pambabasa ti’d Biblia,
Ligliway nalikna.
Pananisia so ombiskeg,
Tan pusoy onkalma.
Paigiya’d Salitay Dios
Pian onaligwas ka.
(KORO)
Basaen tan dalepdepen,
Tulokey Jehova,
Pian bendisyon toy awaten,
Tan tuan ontalona.
(Nengnengen met so Deu. 17:18; 1 Ara. 2:3, 4; Sal. 119:1; Jer. 7:23.)
