1. Fram göngum og Guðsríki boðum,

með gleði á hverjum stað.

Með kærleik í hjarta þeim hjálpum

sem hógværir laðast að.

Við starf okkar metum öll mikils,

þá mildum er sögð besta frétt.

Á akrinum störfum því áfram

og upphefjum nafn Guðs og rétt.

2. Guðs boðberar framsæknir fagna,

þeim fögur laun falla’ í skaut.

Í frelsarans fótspor við göngum,

þá fetum við lífsins braut.

En frétt um Guðs framtíðarríki

nú flytja til mannanna þarf.

Í krafti frá Jehóva knúið,

mun klárast hið víðfeðma starf.

 3. Fram sækjum og samstöðu sýnum,

Guðs sauðir með tvenna von.

Jafnt konur og ungir sem aldnir,

þau öll hylla Drottins son.

Sem vanaverk aldrei það vinnum,

en virðum hið heilaga verk.

Og verum öll Jehóva verðug

þá veitum við þjónustu sterk.