Sangur 48
Dag um dag liva vit við Jehova
(Mika 6:8)
1. Dag um dag øll eyðmjúk kunnu
ganga trygg við Gudi hond í hond.
Sannur heiður er at hava
stóra alheims Faðir sín í nánd.
Øllum stendur enn í boði
frítt at velja lív og leið.
Verða vit tí vígd Jehova,
liggur okkara støða greið.
2. Dómur Harrans verður feldur,
skilligt er, at endin nú er nær.
Vitni verða hótt og vanvird,
mongum tykist frelsuvónin fjar.
Men Jehova Gud kann verja
tann, ið óttafullur er,
so vit kunnu tæna honum,
altíð, hvagar enn leiðin ber.
3. Gud fekk sjálvur hjálp til vega,
gav sítt orð, sín halga anda við.
Hann gav okkum kristnar brøður,
lærdi okkum góðan bønasið.
Liva vit so við Jehova,
læra har alt gott og satt,
eins og børn vit taka eftir,
fylgja Harranum, fremja rætt.
(Sí eisini 1 Mós. 5:24; 6:9; 1 Kong. 2:3, 4.)