1. Jéeoba Dios máax kanáantkoʼon,

mantatsʼ ku yáantikoʼon.

Wa k-pʼáatal naatsʼ tiʼ Dioseʼ

jach yaan u yaabiltkoʼon.

Unaj k-kʼubik xan k-óol tiʼ Dios

tumen letiʼ tsʼáaik salvación.

Wa yaantoʼon talmiloʼobeʼ

yaan u tsʼáaik tiʼ toʼon chúukaʼan óol.

2. Kex ka k-il bix u lúubul

mil máakoʼob t-baʼpacheʼ,

wa tiaʼanoʼon yiknal Dioseʼ

jeʼel u machik k-kʼabeʼ.

Le ken k-aktáant talamileʼ

jeʼel xan u tsʼáaiktoʼon áantajeʼ.

Letiʼeʼ yaan u kanáantkoʼon

wa mantatsʼ tiaʼanoʼon yiknaleʼ.

3. Jéeobaeʼ yaan u kanáantkoʼon

tiaʼal maʼ k-beetik baʼax kʼaas.

Toʼoneʼ yaan k-kʼubik óol tiʼ

utiaʼal maʼ k-chiʼichnaktal.

Le kaan yéetel le leonoʼ

maʼ ken u beetoʼob k-sajaktal.

Jéeoba Dios máax kanáantkoʼon;

yaan u tsʼáaiktoʼon áantaj mantatsʼ.