Ëy 50
Dios xytyukniˈˈijxëm ets ntsojkëm
1. Jyobaa të jawyiin tpëjtaˈagyë ijxpajtën
ko yëˈë tsojkp,
ko yëˈë tsojkp.
Ets oy ko nanduˈun, nyaˈijxëm ja tsojkën
mä mëguˈuktëjk,
mä mëguˈuktëjk.
Nbanëjkxëmë Dios, Jyobaa nyëˈë tyuˈu xëmë
pes oy parë net, tyam tuˈugyë yä nˈijtëm
mä ja Diosë kyäjpn ets duˈun nyajkunuˈkxëm.
Dios yëˈë diˈib tsojkp,
Dios yëˈë diˈib jantsy tsojkp.
2. Ko tyam mëdë Dios nduˈuyoˈoyëm ta ntsojkëm
ja mëguˈuk,
ja mëguˈuk.
Nbudëjkëm nanduˈun ja jäˈäy niˈamukë
nmoˈoyëm tijaty,
nmoˈoyëm tijaty.
Ets nmäˈkxëm ko yëˈë, nanduˈun xymyëdëgoˈoyëm
ets nˈijtëm oyjyaˈay, ets duˈunën nbanëjkxëm
wiˈixë Dios Jyobaa, dyaˈixyëty ja tsyojkën,
mëjwiin kajaa,
wiˈix xytsyojkëm kajaa.
3. Ko ntsojkëmë Dios, ta net yëˈë nmëduˈunëm
xëmëkyëjxm,
xëmëkyëjxm.
Nnayjäˈäwëm jantsy oy, ko yëˈë nmëmëdoˈojëm
amumduˈukjot,
amumduˈukjot.
Ets ja Diosë xyëë ngäjpxwäˈkxëm mä jäˈäyëty
ets duˈun ja tëyˈäjn tnijawëdët mä Dios.
Ets nduˈunëmë tyuunk ets duˈunën nyaˈijxëm
ja tsojkën mëk,
ko jäˈäy ntsojkëm mëk.
(Käjpx nanduˈunë Rom. 12:10; Éfes. 4:3; 2 Peed. 1:7.)