Ohàn 73
Mì Yiwanna Ode Awetọ sọn Ahun mẹ Wá
1. Wanyi dona wá sọn ’hun mẹ,
Finẹ wẹ e dona bẹsọn;
E nọ whàn mí nado vẹawu
Mẹmẹsunnu lẹpo.
E na hẹn mí dín dotẹnmẹ
Nado do homẹdagbe hia,
Bo hùndonuvo di Jẹwhe;
Do wanyi nugbo hia.
To hó po walọ po mẹ
Mí ni do wanyi hia bo tlúalọ,
Wà dagbe na mẹlẹpo
Eyin dotẹnmẹ lọ hùn.
Mí ni do sisi, gbégbò hia;
Bo nọ hò mẹdevo tọn pọ́n.
Mí ma na jla nuṣiwa lẹ.
Mí nasọ yin nugbonọ,
Bosọ hẹn pọninọ go.
2. Eyin wanyi mítọn siso,
Mí ma na yawu gblehomẹ;
E jẹ dọ mí ni dejido
Mẹmẹsunnu lẹ go.
Mí ni jihọntọn nugbo lẹ;
Bo yọ́n pinpẹn mínọzo tọn.
Nọ jaya nado yì pli lẹ,
Nado mọ huhlọn yí.
Mapenọ wẹ mímẹpo;
Hoṣidọ sọgan hẹn tukla wá.
Enẹwutu, nọ vẹawu
Mẹhe Jah yiwanna lẹ.
Mí jlo na yin họntọn nugbo,
He nọ hẹn kanṣiṣa lodo.
Wanyi ni dohiagona we.
Pagigona Jehovah,
Do wanyi hia di Jẹwhe.
(Sọ pọ́n 1 Pita 2:17; 3:8; 4:8; 1 Joh. 3:11.)