1. Kon kita mahigugmaon

Dapat naton palanggaon

Gikan sa tagipusuon

Mga kauturan.

Ipabutyag naton tanan

Ang gugma sa kauturan

Aton sila kabalak-an

Kag pirme buligan.

Ihambal kag himuon,

Gugma nga tinagipusuon.

Pagkamahinatagon

Dapat nga palambuon.

Padunggan ang kauturan

Bisan pa may kakulangan

Aton ini nga tabunan.

Paghiusa maangkon,

Kon magmahigugmaon.

2. Kon tunay ang aton gugma,

Mapinasensiahon kita.

Ang mga kauturan ta

Aton patawaron.

Nalipay kita magtambong,

Sa aton pagtililipon.

Mabaton ang pagpalig-on,

Kalipay maangkon.

 Di-himpit kita tanan

Pirme ’ta nagakapaslawan.

Kasaypanan sang iban

Aton na nga kalimtan.

Kon kita mainunungon,

Pirme naton higugmaon

Sing bug-os tagipusuon

Ang mga kauturan,

Agod Dios mapadunggan.