1. Lilato la niti li zwa

Mwa lipilu ze za luna;

Li lu tusa ku utwela

Mizwale butuku.

Lu ka bonisa milelo

Ye lilato, ye lu na ni,

Ku bonisa buniti bwa

Lilato la luna.

Lu bonise lilato

Ka manzwi mi ni ka likezo;

Ka nako ni nako lu

Tuse ba ba tokwile.

Lu bonisane likute;

Lu tokomele ba bañwi.

Lu ba swalele lifoso.

Mi lu ka sepahala

Ni ku pila mwa buñwi.

2. Ha lu latana hahulu,

Ha lu na ku nyema-nyema;

Mi lu sepile mizwale

Ka sepo ya niti.

Lu iswala bulikani;

Lu lata mañi ni mañi.

 Ka tabo lwa putehana,

Mi lwa tiisana.

Ka zazi lwa fosanga

Mwa lipulelo ni likezo.

Ba ba latwa ki Ndate

Lu ba shwele makeke.

Lu ka ba batu ba bande,

Lu utwane ni ba bañwi.

Mi mu zibwe ka lilato.

Mu lumbeke Mulimu

Ni ku mu likanyisa.