1. Ɛlɔlɛ vi ahonle nu,

Ɔte menli edwɛkɛ bo;

Bɛmaa yɛhile kɛ yɛlɛ

Mediema ɛlɔlɛ.

Saa amgba yɛkulo bɛ a,

Bɛbanwu ye wɔ nyɛleɛ nu.

Yɛbavi yɛ ahonle nu

Yɛazukoa Nyamenle.

Bɛmaa yɛhulo menli,

Yɛla subane kpalɛ ali

Yɛhile yɛ mediema

Wɔ mekɛ biala anu.

Saa yɛbu yɛ mediema a,

Bɛ boɛyɛlɛ nwo bahyia yɛ.

Yɛnrɛdwenle bɛ nvonleɛ nwo.

Bɛmaa yɛli nɔhalɛ

Na yɛ nee bɛ ɛyɛ ko.

2. Yɛlɛ ɛlɔlɛ kpole a,

Yɛnrɛva ɛya ndɛndɛ zo;

Ɔmaa yɛnyia anwodozo

Wɔ yɛ mediema nu.

Yɛbanyia agɔnwolɛma;

Yɛ nye balie biala anwo.

Yɛbayia anyelielɛ nu

Na yɛ nwo ayɛ se.

 Yɛ muala yɛfo dahuu;

Edwɛkɛ mɔɔ wowɔ boda yɛ.

Nyɛleɛ zɛhae ɛmboa

Nyamenle menli ne mɔ.

Yɛbazukoa kpalɛyɛlɛ,

Yɛadɛnla anzondwolɛ nu.

Ɛlɔlɛ bayɛ yɛ nzonlɛ.

Yɛbazukoa Nyamenle

Yɛala ɛlɔlɛ ali.