1. Nepeg a say aro tayo,

Masimoon, impapuso;

Milikna’d agagi tayo,

Inad-aro ti’ ra.

Ipatnag tayoy aroan

Dia ed nanduruman dalan,

Ibalikas, paneknekan

Panangaron matua.

Mangaro dia ed gawa,

Mabunlok ed saray duruka.

Kada pankanawnawa,

Ipatnag so ka’bigan.

Ipanengneng so respeto;

Agla ikayat so lingo.

’Yansakit so agi tayo.

Mansiansia’d katooran,

Tan pablien so ulopan.

2. No aroy puro tan pirmi,

Ag-itayo mansisinti;

Panmatalkan so agagi

Tan manaanosan.

Pankakaaro, bayuboan;

Balang sakey manpablian.

Panlilimog panliketan,

Manpapabiskegan.

 Amin et nalilingo;

Makapansalitay agsusto.

Sirin manalwar tayo.

Nonotey liknaan da.

Mansiansia a tuan kaaro

Paeletey bedber tayo.

Lawas ipatnag so aro.

Aligen ti’ Jehova,

Pian ngaran toy nigloria.