1. Yaabilaj kʼaʼabéet u yantal

ichil k-puksiʼikʼal tiaʼal mantatsʼ.

Yaʼab kiʼimak óol ku tsʼáaik lelaʼ

tumen tiʼ Dios u taal.

Kʼaʼabéet k-eʼesik xan yaabilaj

ichil k-sukuʼunoʼob sáamsamal.

Wa k-ilik k-beetik mantatsʼeʼ

jeʼel k-líiʼsik yóoloʼobeʼ.

Yéetel baʼaxoʼob k-beetikeʼ

jeʼel k-tsʼáaik áantaj tiʼ máax kʼaʼabéeteʼ.

Tiʼ tuláakal súutukeʼ

jeʼel xan k-eʼesik utsileʼ.

Tsiikil jach unaj k-eʼesiktiʼob

tak yéetel baʼaxoʼob k-aʼaliktiʼob.

Kex ka u beetoʼob k-kʼuuxileʼ

toʼoneʼ maʼ ken k-tsikbalte.

Tumen k-yaabiltmoʼob tubeel.

2. Wa nojoch le yaabilajoʼ

yaan k-ilik k-eʼesik chúukaʼan óol.

Yaan xan u páajtal k-kʼubik k-óol

tiʼ máax kabal u yóol.

Kʼaʼabéet k-bisikba yéeteloʼob

tumen u yaabiltmoʼob xan Dios.

Ken xiʼikoʼon teʼ muchʼtáambaloʼ

jach yaan u líiʼskoʼob k-óol.

 Tumen kʼeban máakoʼoneʼ

jeʼel tak k-aʼalik baʼax maʼ maʼalobeʼ.

Le oʼolal kʼaʼabéet yantal

tiʼ tuláakloʼon yaabilaj.

K-tsʼáaik nojbeʼenil tiʼ Jéeoba Dios

ken k-beet le baʼaxoʼob kiaʼalikoʼ.

Yoʼolal lelaʼ k-kʼáat k-eʼes mantatsʼ

tiʼ k-sukuʼunoʼob yaabilaj

tumen uts tu tʼaan Jéeoba.