1. Þitt hjarta skaltu vernda vel

og varast hverja synd.

Því Guð, sem hjartað horfir á,

sér hulda mannsins mynd.

Sum hjörtu eru örvilnuð

og óáreiðanleg.

En þínu hjarta gefðu gaum

og gakktu Drottins veg.

2. Af hjartans löngun leita Guðs

með ljúfri bænargjörð.

Og látlaust skaltu lofa hann

sem léttir kjörin hörð.

Við hógvær hlýðum Jehóva

og hyggjum að hans hag.

Já, sýnum honum hollustu

af hjarta sérhvern dag.

3. Hið illa aldrei hugleiddu

en oft það sem er satt.

Ef orð Guðs hjartað örvar mest

það endurnýjast hratt.

Jah, Jehóva er tryggum trúr,

því treystum ár og síð.

Af hjarta vertu vottur Guðs

og vinur alla tíð.