1. Kuali xikmalui moyolo,

amo xitlajtlako.

Jehová kixmati moyolo,

noijki moyelis.

Uelis mitsxelos moyolo

uan mitskajkayauas.

Ik non kuali xikyekana

ika iTlajtol Dios.

2. Xikyejyektlali moyolo,

ijkon tikajsis Dios.

Xiktlasojtla uan xikilui

tlen tikmachilia.

Ximomachti iTlajtol Dios

uan xiktlakamati.

Moyolo yetos chipauak

ijkon tikyolpaktis.

3. Amo ximokuayejyeko

itech tlajtlakoli.

ITlajtol Dios mitsmaluia,

mitsmakas yolilis.

Jehová kema kitlasojtla

akin yolmelauak.

Xikueyichiua nochipa

ika tlasojtlalis.