Awit 52
Ingatan Mo ang Iyong Puso
1. Puso mo ay ’yong ingatan
Na huwag magkasala.
Katauhan mo’y naroon,
Diyos ang bumabasa.
Minsan ito’y nandaraya
At nais lumihis.
Kaya’t labanan ng isip,
At maging malinis.
2. Diyos ay hanapin ng puso
Sa pananalangin.
Pumuri, magpasalamat;
Ibuhos hinaing.
Mga turo ni Jehova
Dapat nating sundin.
Puso na matapat sa Diyos,
Kailangang linangin.
3. Huwag mag-isip ng masama;
Magpako sa matwid.
Hayaang Salita ng Diyos
Sa puso’y magtuwid.
Iniibig ni Jehova
Tapat na lingkod niya.
Buong-puso siyang sambahin
Bilang kaibigan niya.
(Tingnan din ang Awit 34:1; Fil. 4:8; 1 Ped. 3:4.)