Kanta 82
Aligen so Inkauyamo nen Kristo
1. Say sankatalonggaringan a too,
Agto kinaliktan so gloriay mundo.
Anggan naikday atagey a betang,
Impatnag to so kapaabebaan.
2. Amin yon nabebelatan ed paga,
Say pako nen Kristo, O alaen pa.
’Yunay Panarian pian nainawaan,
Lapud mauyamoy Kriston Katawan.
3. ‘Amin yo sanaagi,’ kuan nen Kristo.
Sirin sarili, ag-itatandoro.
Saray mauyamo diad Dios mabli ra,
Sipan to a say dalin tawiren da.
(Nengnengen met so Mat. 5:5; 23:8; Uli. 3:34; Roma 12:16.)