Söngur 70
Metum rétt það sem máli skiptir
1. Með góðri dómgreind glæðum við skilning
og getum séð hvað rétt er,
og skilið vel hvað mest skiptir máli
og metið hvað gera ber.
Hötum allt illt, ýtum því brott,
elskum allt gott,
iðkum í bræðrahug biblíunám
byggt á Guðs spám,
gerum það mest sem er mikilvægt.
2. Hvað skiptir meira máli í dag
en að miðla Guðsríkisfrétt,
að finna sauði föðurins góða
svo fái þeir valið rétt?
Kenna þeim vel vert er og brýnt,
við getum sýnt
ást er við hjálpum þeim frelsi að fá,
fegurð Guðs sjá.
Starf okkar metum sem mikilvægt.
3. Ef gerum það sem Guð skiptir máli,
þá gerist traust okkar trú.
Og friður æðri almennri hugsun
mun efla von okkar nú.
Þá eignumst við vini í raun,
vaxa þau laun,
blessanir hljótum sem höfum nú lært,
höfum séð tært
allt það sem meta skal mikilvægt.
(Sjá einnig Sálm. 97:10; Matt. 22:37; Jóh. 21:15-17; Post. 10:42.)