1. Ke wa maa pee Kristo kaseli,

Mlaa ngɛ nɛ sa kaa waa ye nɔ.

Mlaa nɛ Mawu wo wɔ ji n’ɔ nɛ;

Kaa wa je Kristo suɔmi kpo.

Wa Nyɔmtsɛ je suɔmi nitsɛ kpo;

E ba gbo kɛ kpɔ adesa.

E pee jã kɛ fɔ si nɛ waa kase;

Kristo kaseli ji wɔ tsuo.

2. Keji wa ngɛ anɔkua suɔmi,

Wa ma wa nimli nɛ gbɔjɔ.

E sa kaa wɔ hu waa suɔ nimli,

Nɛ wa sɔmɔ mɛ daa kɛ daa.

He ko he ko be hu nɛ a jeɔ

Anɔkuale suɔmi kpo ngɛ,

Kaa Yehowa we asafo mi pɛ;

Ha wa je suɔmi nitsɛ kpo.