Awit 88
Kabataan, Gasa sa Diyos
1. Sa dihang ang magtiayon
Mahimo nang mga ginikanan,
Angay gyod hinumdoman nila
Nga gasa ang anak nila.
Gasa nga gikan kang Jehova,
Tuboran sa kinabuhig gugma.
Ang Diyos naghatag ug direksiyon
Nga angay gayod nilang sundon.
(KORO)
Kamo gihatagan ug gasa
Nga bililhon sa ngatanan.
Tudloi gyod ang anak ninyo
Sa balaod ni Jehova.
2. Tanang sugo ni Jehova
Itisok sa inyong kasingkasing.
Itudlo ni sa kabataan,
Inyo kining katungdanan.
Isulti kon naa sa dalan,
Sa inyong paghigda ug pagbangon.
Di gyod nila kini malimtan
Sa ulahi nga katuigan.
(KORO)
Kamo gihatagan ug gasa
Nga bililhon sa ngatanan.
Tudloi gyod ang anak ninyo
Sa balaod ni Jehova.
(Tan-awa usab ang Deut. 6:6, 7; Efe. 6:4; 1 Tim. 4:16.)
