Pina 88
Bana ki Sanda se si Zwa ku Mulimu
1. Muuna ha ba ndataa mutu
Mi musali ha pepa mbututu,
Ba na ni sanda sa butokwa;
Haki sa bona ba nosi.
Ki mpo ya ba file Jehova;
Bupilo bona bu zwa ku yena.
Bashemi wa ba zamaisa
Kuli ba fumane butali.
(KORASI)
Mu filwe sanda sa butokwa;
Mu si tokomele hande.
Milao ya hae Mulimu
Mu i lute mwanaa mina.
2. Manzwi ote a Mulimu
A be pili mwa pilu ya mina.
Mu a lute bana ba mina;
Ki musebezi wa mina.
Mi mu ba bulelele ona
Ha mu lobala, niha mu zuha.
Ba a hupule ha ba hula,
Ba sepahale, ba fuyolwe.
(KORASI)
Mu filwe sanda sa butokwa;
Mu si tokomele hande.
Milao ya hae Mulimu
Mu i lute mwanaa mina.
(Mu bale ni Deut. 6:6, 7; Maef. 6:4; 1 Tim. 4:16.)
