Kanta 88
Saray Anak et Impiya na Dios
1. No sikay sakey lan ateng,
Lawas a nepeg ’yan nodnonoten—
Saray anak impiya’d ateng,
Kanian komon pabpablien.
Regalon nanlapud Jehova,
A lapuay bilay tan say aro.
Iwawanwan to ray atateng
Pian mansiansia ra ed dalan to.
(KORO)
Diad sikayo iran atateng,
Nipiay bilay a sagrado.
Sanka’bigay nipatawir yo
No ganggay Dios ipurek yo.
2. Saray ganggan nen Jehova,
Pansiansia yo ’ratan ed puso yo.
Insan itongtong ed anak yo;
Satay betang yon inter To.
Manbangat legan yon manakar,
No kabangon, no manpainawa.
Komon ta anggad ibaleg da,
Manmatoor ni ra a siansia.
(KORO)
Diad sikayo iran atateng,
Nipiay bilay a sagrado.
Sanka’bigay nipatawir yo
No ganggay Dios ipurek yo.
(Nengnengen met so Deu. 6:6, 7; Efe. 6:4; 1 Tim. 4:16.)
