Awit 88
Mga Anak—Ipinagkatiwala ng Diyos
1. ’Pag ama na ang lalaki
At asawa niya’y isa nang ina,
Sila’y pinagkatiwalaan,
Kaloob na mahalaga.
Buhat sa Diyos na si Jehova;
Bukal ng buhay at ng pag-ibig.
Patnubay para sa magulang,
Sa kanya lang dapat sumandig.
(KORO)
Sagrado na pananagutan;
Buhay ang nasa ’yong kamay.
Inyong anak dapat turuan;
Utos ng Diyos, gawing gabay.
2. Mga utos ni Jehova—
Panatilihin sa puso ninyo.
At sa anak ay ituturo;
Pananagutan n’yo ito.
Salitain sa ’yong paglakad,
Sa pagbangon, sa pagpapahinga.
Nawa sila’y maging tapat nga
At tumanggap ng pagpapala.
(KORO)
Sagrado na pananagutan;
Buhay ang nasa ’yong kamay.
Inyong anak dapat turuan;
Utos ng Diyos, gawing gabay.
(Tingnan din ang Deut. 6:6, 7; Efe. 6:4; 1 Tim. 4:16.)