Kʼaay 68
U payalchiʼ le máax lubaʼan u yóoloʼ
1. Jéeoba Dios, táan in kʼáatiktech
ka wuʼuy in payalchiʼ.
Jach táaj nojoch in muʼyajil,
mu páajtal in bisik.
Yaʼab baʼaloʼob tsʼoʼok u beetik
xan u pʼáatal naʼan in muukʼ.
Jach áanten, líiʼs in wóoliʼ,
maʼ pʼatken, Kiʼichkelem Yuum.
(CORO)
Jach líiʼs in wóol, maʼ pʼatiken.
Beet in kʼubik in wóol tiʼ teech.
Jach áanten tiaʼal in kaxtikech.
Kiʼichkelem Yuum, maʼ náachtalten.
2. A Tʼaaneʼ ku kanáantken
ken in wuʼuy minaʼan in wóol.
Mantatsʼ ku yeʼesikten maʼatech
a tuʼubsken Jéeoba Dios.
Yéetel baʼax kiaʼak a Tʼaan
in kʼáat in muʼukʼankúuns in fe.
Jach áant xan in puksiʼikʼal
u yil a sen yaabiltmen.
(CORO)
Jach líiʼs in wóol, maʼ pʼatiken.
Beet in kʼubik in wóol tiʼ teech.
Jach áanten tiaʼal in kaxtikech.
Kiʼichkelem Yuum, maʼ náachtalten.
(Ilaʼak xan Sal. 42:6; 119:28; 2 Cor. 4:16; 1 Juan 3:20.)
