Ambahanon 85
Bugana nga Padya Halin kay Jehova
1. Si Jehova nga aton Dios matutom
Sa mga alagad niya.
Bangod sa aton debosyon sa iya,
Nagasakripisyo kita.
Kon ginbayaan mo ang imo balay,
Pamilya, kag mga abyan,
Wala ka sing dapat nga kahangaw-an
Mabulig ang kauturan.
(KORO)
Makita gid ini ni Jehova
Kag padyaan ka n’ya sing bugana.
Sa iya ka lamang magdangop
Kay sia masaligan; matutom gid sia.
2. May yara iban nga wala nagminyo
Bangod ginpili gid nila
Nga unahon ang Ginharian sang Dios;
Nangin matutom gid sila.
Nasubuan man sila kon kaisa
Bangod nagaisahanon.
Gani pirme naton nga palig-unon
Ini nga mga matutom.
(KORO)
Makita gid ini ni Jehova
Kag padyaan ka n’ya sing bugana.
Sa iya ka lamang magdangop
Kay sia masaligan; matutom gid sia.
(Tan-awa man ang Huk. 11:38-40; Rut 2:12; Mat. 19:12.)