Pina 85
Mupuzo O Tezi O Zwa ku Jehova
1. Jehova u lukile mi wa ziba
Ba ba sebeleza yena.
Mi wa ziba kuli fokuñwi ba ka
Latehelwa ki za bona.
Mulimu wa ziba ha mu siile
Lubasi, mandu, ni ze ñwi.
Ka nako ye, u mi file mizwale,
Mi u ka mi fa bupilo.
(KORASI)
Haike Jehova a mi tuse
Mi a mi fe mupuzo o tezi.
Mina mu sabele ku yena.
Jehova Mulimu Wa sepahala.
2. Mwahalaa luna ku na ni makwasha.
Ba ka fuyaulwa luli
Ha ba bata Mubuso ka ku tala.
Mi luna lwa ziba kuli
Fokuñwi ba ikutwanga bulutu
Bo bu tiswa ki bukwasha.
Luna bahabo bona mwa tumelo,
Lu tabela ku ba tusa.
(KORASI)
Haike Jehova a mi tuse
Mi a mi fe mupuzo o tezi.
Mina mu sabele ku yena.
Jehova Mulimu Wa sepahala.
(Mu bale ni Baat. 11:38-40; Ruti 2:12; Mat. 19:12.)
