သီချင်း ၈၅
ယေဟောဝါထံတော်မှ ပြည့်ဝသောဆုကျေးဇူး
၁။ ယေဟောဝါ သစ္စာရှိ၏။ စိတ်အကြွင်းမဲ့
ဝတ်ပြုသူများအား သိကျွမ်း၏။
သူတို့၏မြှုပ်နှံမှုနှင့် အားမာန်တို့ကြောင့်
နစ်နာမှုရှိကြောင်း ကိုယ်တော်သိ။
သင့် အိမ်၊ မိသားစု၊ မိတ်ဆွေများ စွန့်ရသော်၊
ဘုရား အားလုံးသိကြောင်း ယုံပါ။
ယခု ချစ်ရသော ညီအစ်ကိုသင်းပင်းမက
ကမ္ဘာသစ် သက်တာကို ပေးဦးမှာ။
(ထပ်ကျော့ပိုဒ်)
ရှင်ယေဟောဝါ နှစ်သိမ့်ရှင်၊ တွေ့ပါစေ။
သင်တို့အား ပေးပါစေ ဆုကျေးဇူးပြည့်။
အတောင်တော်အောက် နားခိုကြရပါစေ။
ယေဟောဝါ သစ္စာရှိ၊ ယေဟောဝါ မှန်ကန်။
၂။ ကိုယ်ရွေးချယ်မှုကြောင့်၊ ဘဝပေးသောအကျိုးကြောင့်
အချို့ တစ်ကိုယ်ရေ နေကြရ။
ဘုရားနိုင်ငံတော် အာရုံပြည့်ထား၍ရှာ၊
ဘုရားဝတ်၌ အမြတ်ရကြ။
တစ်ကိုယ်ရေနေသည့် အိမ်ထောင်မပြုသူများ
အဖော်မဲ့ အထီးကျန်စိတ် ဖြစ်ပေါ်နိုင်။
ဤသစ္စာရှိများ၏ ညီအစ်မ ညီအစ်ကိုဖြစ်
တို့များ သူတို့ကို ထောက်မကြ။
(ထပ်ကျော့ပိုဒ်)
ရှင်ယေဟောဝါ နှစ်သိမ့်ရှင်၊ တွေ့ပါစေ။
သင်တို့အား ပေးပါစေ ဆုကျေးဇူးပြည့်။
အတောင်တော်အောက် နားခိုကြရပါစေ။
ယေဟောဝါ သစ္စာရှိ၊ ယေဟောဝါ မှန်ကန်။
(သူကြီး. ၁၁:၃၈-၄၀; ရု. ၂:၁၂; မ. ၁၉:၁၂ တို့ကိုလည်းကြည့်ပါ။)
