1. Av sonnum ein heiður, Jehova,

at byggja tí navninum hús,

ið lýsir títt æviga veldi;

tað gjørdu vit fegin og fús.

Av tí, sum tín hond hevur givið,

vit geva tær aftur í dag.

Øll orka, alt skil, allar gávur,

Jehova, vit víga tær tað.

2. Nú skulu vit bera tær heiður

og fylla í húsið tín prís.

Leið fólkini higar, Jehova,

at læra ta leið, ið er vís.

Og hjálp okkum handfara húsið

við virðing og røkja tað væl,

at altíð tað prýðir tann boðskap,

sum hiðani prædikast skal.