Ambahanon 127
Isa ka Duog nga Nagadala sang Imo Ngalan
1. Kadungganan namon Jehova,
Nga himayaon ngalan mo
Ining duog amon gintukod
Magadayaw gid sa imo.
Ano man ang amon ginhatag
Sa imo ini naggikan.
Ang amon kusog kag kalantip
Ihalad gid namon tanan.
(KORO)
Ginahalad namon subong
Ining duog sa imo.
Kabay imo nga batunon
Sa kahimayaan mo.
2. Amon ka padunggan Jehova,
Sa pagpakamaayo mo.
Padayon pa nga nagadamo
Ang nagadayaw sa imo.
Ini nga duog sang pagsimba,
Amon gid nga atipanon.
Mangin isa gid ka panaksi
Sa ginabantala namon.
(KORO)
Ginahalad namon subong
Ining duog sa imo.
Kabay imo nga batunon
Sa kahimayaan mo.
(Tan-awa man ang 1 Hari 8:18, 27; 1 Cron. 29:11-14; Binu. 20:24.)
