Abụ nke 127
Ebe A Kpọkwasịrị Aha Gị
1. Jehova, ọ bụụr’any’ih’ùgwù
Iwuru aha gị ụlọ!
Anyị ji ọṅụ n’enyefe gị ya,
K’a mara gị, nye gị otuto.
Ih’ọ bụla anyị nyere gị,
Ọ bụ gị nyer’anyị ha dum.
Anyị ji obi anyị dum n’enye gị
Ihe niile anyị nwere.
(KORỌS)
Anyị n’enyefe gị ụlọ a,
K’a mar’aha gị n’ebe a.
A’yị n’arara ụlọ a nye gị;
Biko, k’ọ bụrụ nke gị.
2. Nna, k’anyị n’asọpụrụ gị,
Nọrọkwa n’ebe a n’eto gị.
K’ọtụtụ ndị n’amụt’ụzọ gị
Mee ka otuto dịrị gị.
Anyị g’anọ n’ebe a n’efe gị,
N’elekọtakwa ya nk’ọma.
K’ọ n’agbakw’àmà mgbe niile,
N’akwadokwa ozi ọm’anyị.
(KORỌS)
Anyị n’enyefe gị ụlọ a,
K’a mar’aha gị n’ebe a.
A’yị n’arara ụlọ a nye gị;
Biko, k’ọ bụrụ nke gị.
(Gụọkwa 1 Eze 8:18, 27; 1 Ihe 29:11-14; Ọrụ 20:24.)