Hira 127
Toerana Mitondra ny Anaranao
1. Jehovah, endrey ny hafalianay
Nahavita izao toerana izao,
’Zay naorinay ka irinay
Hitondra ny anaranao.
Ny harena, talenta sy hery
Dia avy aminao avokoa.
Omenay anao izy ’reny,
Avy amin’ny fonay tokoa.
(AVERINA ISAN’ANDININY)
Tokananay ho anao anio
’Zao toerana kanto izao.
Ho an’ny anaranao izy io,
Mba ekeo sy ankasitraho.
2. ’Ty toerana ity hampiasainay
Hiderana anao ’rery ihany,
Koa tena hokolokoloinay
Ho kanto sy haharitra hatrany.
Tahio re ny ezaka ataonay,
Tahio mba hisy fitomboana.
Fa eto no efa nofidinay,
Sy natokanay hanompoana.
(AVERINA ISAN’ANDININY)
Tokananay ho anao anio
’Zao toerana kanto izao.
Ho an’ny anaranao izy io,
Mba ekeo sy ankasitraho.
(Jereo koa ny 1 Mpanj. 8:18, 27; 1 Tan. 29:11-14; Asa. 20:24.)
