Kʼaay 90
Jach jatsʼuts sakil u pooloʼob
1. Yaan tiʼ le sukuʼunoʼoboʼ
yaʼab u jaʼabiloʼob.
Táan u yeʼeskoʼob chúukaʼan óol,
muʼukʼaʼan u fejoʼob.
Jujuntúuleʼ istikyaj
u tʼaan tiʼ Jéeoba.
Baʼaleʼ maʼ kun pʼatbiloʼob,
Dios kanáantikoʼob.
(CORO)
Kʼaʼajaktech, Jéeoba Dios,
bix u meyajoʼob.
Yuum Jéeoba, kanáantoʼob,
eʼes a yaabiltmoʼob.
2. Jach jatsʼuts sakil u pool
máax meyajtik Dios.
Kiʼichkelem yilik Jéeoba
máax toj u kuxtal.
Toʼoneʼ unaj k-kʼaʼajsik xan
u fejoʼob mantatsʼ.
Jach tu yeʼesoʼob chúukaʼan óol
tak tu paaliloʼob.
(CORO)
Kʼaʼajaktech, Jéeoba Dios,
bix u meyajoʼob.
Yuum Jéeoba, kanáantoʼob,
eʼes a yaabiltmoʼob.
(Ilaʼak xan Sal. 71:9, 18; Pro. 20:29; Mat. 25:21, 23; Luc. 22:28; 1 Tim. 5:1.)
