1. U Tʼaan Dioseʼ ku yáantikoʼon

tiaʼal k-eʼesik chúukaʼan óol.

Tuláakal le baʼax kiaʼalikoʼ

ku taasik yaʼab utsiloʼob.

Jach kʼaʼabéet k-muʼukʼaʼankúunsik k-óol

tumen naatsʼ u kʼiinil Dios.

Bejlaʼeʼ sen yaan talamiloʼob;

jach kʼaʼabéettoʼon chúukaʼan óol.

2. Mix baʼal unaj u náachkuntkoʼon

tiʼ u yaabilaj Dios.

Kex yaʼab le baʼaxoʼob k-muʼyajtkoʼ

kʼaʼabéet u chúukpajal k-óol.

Le chúukaʼan óolal yaantoʼonoʼ

ku jach tsʼáaiktoʼon jeetsʼel óol.

Jéeoba kun tsʼáaiktoʼon salvación,

letiʼeʼ maʼatech u pʼatkoʼon.

3. Le máaxoʼob chúukaʼan yóoloʼoboʼ

yaan u kanáantaʼaloʼob.

Chéen máaxoʼob yaan tu libro Dios

ken u kʼamoʼob salvación.

Le oʼolaleʼ koʼox meyajt Dios

utiaʼal kiʼimakkúunsik yóol.

Le chúukaʼan óolal k-eʼesikoʼ

ku taasiktoʼon utsiloʼob.