1. Bunde bwa Jehova Ndate

Bwa lu tabisa luli.

Ndate ya kwa lihalimu

Ki yo munde kamita.

Wa lu lata ka sishemo,

Ka nzila ye makaza.

U swanelwa ku lapelwa,

Mane ni ku lumbekwa.

2. Lu ezizwe ki Mulimu

Ka ku swana ni yena,

Kuli lu mu likanyise,

Lu be batu ba bande.

Cwale lu be sina yena,

Lu eze ze lukile.

Lu kupe moya wa hae;

Wona u ka lu tusa.

3. Balumeli sina luna

Lu ba lata hahulu,

Kono lu bonisa bunde

Ni kwa batu ba bañwi.

Ha lu paka za Mubuso,

Lu tokwe ketululo,

Lu ezeze batu bote

Lika ze tusa, ze nde.