Ohàn 129
Mí Ni Hẹn Todido Mítọn Go Gligli
1. E ko dẹn bọ gbẹtọ t’avìdla zinvlu mẹ.
’Vọ́ wẹ yé tuklajẹ nado wle jẹhọn.
Mape gbẹtọvi tọn ko sọawuhia:
Yé ma sọgan whlẹn mẹdepope.
(HÀNGBEPLI)
Jihàn, jaya, na Họl’du Jah tọn wá!
Vi ’tọn dugán bo hẹn mí vò sọn ’bu si.
Gbọn Klist’ gblamẹ, ylanwiwa na busẹ;
Todido ehe wẹ nọ hẹn mí dote.
2. Wẹ̀n ko yin lilá dọ, “Azán Jah tọn sẹpọ!”
Mẹde ma nasọ dọ: “Na e na dẹnsọ?”
Madẹnmẹ din Jah na whlẹn nudida lẹ.
Wá jihàn hẹ mí bo pà Jẹwhe.
(HÀNGBEPLI)
Jihàn, jaya, na Họl’du Jah tọn wá!
Vi ’tọn dugán bo hẹn mí vò sọn ’bu si.
Gbọn Klist’ gblamẹ, ylanwiwa na busẹ;
Todido ehe wẹ nọ hẹn mí dote.
(Sọ pọ́n Hab. 1:2, 3; Ps. 27:14; Joẹ. 2:1; Lom. 8:22.)