1. Madamo nga kauturan,

matahom tulukon.

Sila nagapadayon

sing matinumanon.

Tuman sila kadamo

nga aton kaupod.

Ang tagsatagsa nagadayaw,

Sa Dios nga matuod.

2. Madamo nga kauturan,

ang nagabantala,

Sing maayong balita

tuhoy kay Jehova.

Bisan pa may problema

padayon gihapon,

Kay si Jesus nagapaumpaw,

Kag nagapalig-on.

3. Madamo nga kauturan,

iya nahamut-an,

Hilway sa katalagman

kag ginaamligan.

Samtang nagabantala

sing ma’yong balita,

Nangin kabulig kita sang Dios,

’Gadayaw sa iya.