Ohàn 94
Nunina Jiwheyẹwhe Tọn lẹ Nọ Na Mí Pekọ
1. Nunina dagbedagbe lẹ
He mí nọ yiwanna,
Nuhe họakuẹ to gbẹ̀mẹ lẹ,
Nọ wá sọn Jẹwhe dè.
Ewọ ma nọ diọ gbede
Di ’yẹ̀ he nọ lẹpé.
Jehovah wẹ Asisa gbẹ̀ tọn
Nunamẹtọ Daho.
2. Mí ma dona hanú gando
Hudo mítọn lẹ go;
Jah nọ na núdù ohẹ̀ lẹ,
Mẹtọnhopọntọ wẹ.
Mí ma nọ natẹn nuvọ́ lẹ,
Kavi nudindọn lẹ.
Mí nọ hẹn gbẹzan mítọn bọawu,
Bo nọ tindo pekọ.
3. Nuhe gbẹtọ ylọ nujọnu,
Ovọ́ wẹ to Jah dè.
Mí ni zan azán mítọn lẹ
Na ale tẹgbẹ tọn.
’Dọkun he mí pli do Jah dè,
Okú ma gan hẹngble.
Nukun mítọn ni to fidopo;
Pekọ nugbo doale.
(Sọ pọ́n Jẹl. 45:5; Mat. 6:25-34; 1 Tim. 6:8; Heb. 13:5.)