1. O ai e ana oe?

O ai ea lou Atua?

Le matai e te ifo i ai,

Lea e te auauna ai nei.

Faigatā le tautua

I matai e toʻalua,

Lē mafai ona vaeluaina,

Mo laʻua lou alofa.

2. O ai e ana oe?

O ai ea lou Atua?

E lē faamaoni le tasi

Ae faamaoni le isi.

Ia e filifili,

Pe e ʻau ma Kaisara?

Po o Ieova e te usitaʻi?

O le Atua moni.

3. O ai loʻu Atua?

Ua na o Ieova.

Ou te auauna i le Tamā

O laʻu tautoga lea.

Maoaʻe le tau,

Na faatau ai aʻu.

Foaʻi loʻu ola mo Ieova;

Viia lona suafa.